Vat Phu-Champasak-Laos

ກຸ່ມຜາສາດຫີນວັດພູ ພິມ

palais38s

ຈາກ​ຫຼັກ​ຖານ​ທາງ​ສີ​ລາ​ຈາ​ລຶກ ​ເມື່ອ​ສະຕະວັດ​ທີ V ​ແລະ ທີ VI ​ໄດ້​ກ່າວ​ເຖິງ​ເທວະສະຖານ​ແຫ່ງ​ໜຶ່ງ ​ເຊິ່ງຕັ້ງ​ຢູ່​ເທິງ​ພູ ມີ​ອາຍຸ​ຮ່ວມ​ສະ​ໃໝ​ດຽວ​ກັບ​ເມືອງ​ບູຮານ ​ແຕ່​ວ່າ​ວັດ​ທີ່​ກ່າວ​ນີ້​ໄດ້​ຖືກ​ເພພັງ ​ແລະ ຫາຍ​ສາບ​ສູນ​ໄປ​ໝົດ​ແລ້ວ ​ແລະ ຕໍ່​ມາ​ຈິ່ງ​ໄດ້​ມີ​ການ​ສ້າງ​ກຸ່ມ​ເທວະສະຖານຂະໜາດ​ໃຫ່ຍຢອງ​ທັບ​ໃສ່ ສະຖານ​ທີ່​ເດີມ ເຊີ່ງ​ເອີ້ນ​ກັນ​ວ່າ: ຜາສາດ​ຫີນ​ວັດ​ພູ ດັ່ງ​ທີ່​ຍັງ​ຄົງ​ເຫຼືອ​ສະພາບ​ຂອງ​ໂຄງ​ສ້າງ​ໄວ້​ໃຫ້​ພວກ​ເຮົາ​ເຫັນ​ເທົ້າ​ທຸກວັນ​ນີ້ ບັນດາ ​ກຸ່ມ​ໂຄງ​ສ້າງ​ທາງ​ສະຖາປັດຕະຍະ​ກຳ ອັນ​ເປັນ​ເທວະສະຖານ​ທີ່​ສັກສິດ ແລະ ສວຍ​ງາມ​ແຫ່ງ​ນີ ​ໄດ້​ເລີ້ມ​ຕົ້ນ​ທຳ​ການ​ກໍ່ສ້າງ​ເມື່ອ​ຕົ້ນສະຕະວັດ​ທີ XI ແລະ ໄດ້​ມີ​ການ​ຕໍ່​ເຕີມ​ບາງ​ສ່ວນ​ໃນ​ສະຕະວັດ​ທີ XII ​ແລະທີ XIII. 

 

ກຸ່ມ​ຜາ​ສາດ​ຫີນ​ວັດ​ພູ​ໄດ້​ຖືກ​ອອກ​ແບບ​ແຜນ​ຜັງຕາມ​ຫຼັກການ​ຍຶດ​ເສັ້ນ​ແກນ​ຕາ​ເວັນອອກ- ຕາ​ເວັນ​ຕົກ ​ເປັນ​ຫຼັກ, ​ເຊິ່ງ​ເລີ້ມ​ຕົ້ນ​ຈາກ​ທົ່ງພຽງ​ເນັ່ງ​ຂຶ້ນ​ໄປ​ຕາມ​ເປີ້ນພູ ຈົນ​ໄປ​ເຖິງ​ພັກ​ເທິງ​ສຸດ ​ເຊິ່ງ​ເປັນ​ທີ່​ຕັ້ງ​ຂອງ​ຜະສາດ​ປະທານ ​ແລະ ໜ້າຜາ​ຫີນ​ຊາຍ ບ່ອນ​ທີ່​ບໍ່​ນ້ຳ​ສັກສິດ​ໄຫຼ​ລິນ​ຢູ່ຕະ ຫຼອດທຸກ​ລະດູ​ການ.

 

 

ກຸ່ມຜາສາດຫີນວັດພ

ເມື່ອ​ພວກ​ເຮົາ​ມຸ່ງ​ໜ້າ​ສູ່​ວັດ​ພູ ໝາຍ​ຄວາມ​ວ່າ​ເລີ້ມ​ຈາກ​ທິດຕາ​ເວັນ​ອອກ ສິ່ງ​ທຳ​ອິດ​ທີ່​ຈະ​ສັງ​ເກດ​ເຫັນ​ໄດ້​ແກ່​ໜອງ​ສະ​ຂະໜາດ​ໃຫ່ຍສອງ​ແຫ່ງ, ຊິ່ງ​ເປັນ​ໜອງ​ທີ່​ສ້າງ​ຂື້ນ​ເພື່ອ​ເປັນ​ບ່ອນ​ກັກ​ເກັບ​ນ້ຳ​ເພື່ອ​ປະ​ໂຫຍ​ດທາງ​ຊົນລະປະທານ ​ແລະ ຕາມ​ຄວາມ​ເຊື່ອ​ຖື​ທາງ​ສາດສະໜາ​ ທີ່​ໝາຍ​ເຖິງ​ມະຫາ​ສະໝຸດ ​ເຊີ່ງ​ອ້ອມ​ຮອບ​ໝ່ວຍ​ໂລກ​ຂອງ​ພວກ​ເຮົາ.

palais11s

ທີ່​ຂອບໜອງ​ສະ ມີ​ລະບຽງ​ກໍ່​ດ້ວຍ​ຫີນ​ຊາຍ (​ເມື່ອ​ປີ 1957 ໄດ້​ມີ​ການ​ກໍ່ສ້າງ ອາຄານ​ສະ ​​ໃໝ​ໃໝ່​ຢອງ​ໃສ່​ຮາກ​ຖານ​ບູຮານ​ດັ່ງກ່າວ​ນີ້)ຖັດຈາກນັ້ນຈະເຊື່ອມຕໍ່ດ້ວຍທາງຍ່າງ ຊິ່ງສອງຝາກທາງ ລຽງລາຍດ້ວຍຫຼັກເສົາເສໄປ ຈົນເຖິງພັກທີໜຶ່ງອັນເປັນທີ່ຕັ້ງ ຂອງໂຮງຊາວ2ໂຮງ ປິ່ນໜ້າໃສ່ກັນ(ກໍ່ດ້ວຍຫີນຊາຍ,ຫີນໜາມໝໍ່ ແລະດິນຈີ່ ) ທີ່ສີໜ້າມີການແກະສະຫຼັກລວດລາຍສີລະປະ ທີ່ວິຈິດບັນຈົງ ຂອງຍຸກສະຕະວັດທີ XI (ສະກຸນ​ຊ່າງ​ຍຸກ​ໂກະ​ແກ).ໂຮງ​ຊາວ​ເປັນ​ຮູບ​ສີ່​ຫຼ່ຽມຜືນ​ຜ້າ ມີ​ເດີ່ນ​ດ້ານ​ໃນເຊິ່ງ​ໃຊ້​ສຳລັບ​ພິທີກຳ​ທາງສາດສະໜາ​ປະການ​ໃດ​ແທ້​ຈິງ​ນັ້ນ ຍັງ​ບໍ່​ມີ​ຫຼັກ​ຖານ​ຢັ້ງຢືນ​ແນ່​ຊັດ.ຊາວບ້ານ​ພາກັນ​ເອີ້ນ​ວ່າ :

"ໂຮງ​ທ້າວ,​ "ໂຮງ​ນາງ" ​ເຊິ່ງຍັງ​ບໍ່​ທັນ​ມີ​ຂໍ້​ມູນ​ທາງ​​ວິທະຍາສາດ​ໃດໆ​ມາ​ອະທິບາຍ​ເທື່ອ.

vu16s

ຖັດຈາກ​ນີ້​ໄປ​ເປັນ​ທາງ​ຍ່າງ ປູ​ດ້ວຍ​ແຜ່ນ​ຫີນ​ທັງ​ສອງ​ຝາກ​ຂ້າງ​ອ້ອມ​ລ້ອມ​ດ້ວຍ​ກົມ​ມະ​ລຽນ ມຸງ​ດ້ວຍ​ຫຼັງຄາ (ປະຈຸ​ບັນ​ນີ້​ເພພັງ​ໄປ​ໝົດ​ແລ້ວ) ​ເຊີ່ງ​ນຳ​ໄປ ສູ່​ຂັ້ນ ​ໄດ​ພັກ​ທຳ​ອິດ,ທາງ​ດ້ານ​ໃຕ້​ຂອງ​ທາງ​ຍ່າງ​ຫຼັກ​ນີ້ ສາມາ​ດສັງ​ເກດ​ເຫັນ​ຫຼັກ​ຖານ​ເຊີ່ງ​ເປັນ​ຮ່ອງ​ຮອຍ​ຂອງ​ຫໍ​ໄຫ້​ວນ້ອຍໆ​ຫຼັງ​ໜຶ່ງ (ສ້າງ​ຂື້ນ​ເມື່ອ​ປະມານ​ກາງ ສ.ວ XI ) ​ເຊິ່ງ​ເອີ້ນ​ວ່າ "​ໂຮງ​ງົວ​ອຸດ​ສຸພະ​ລາດ "ຫຼື " ງົວ​ນັນ​ທິນ " ອັນ​ເປັນ​ພາຫະນະ​ຂອງ​ພຣະ​ສິ​ວະ ​ເລີ້ມ​ຈາກ​ໂຮງ​ງົວ​ແຫ່ງ​ນີ້ ມີ​ເສັ້ນທາງ​ບູຮານ ທີ່​ເຊື່ອມ​ຕໍ່​ກັບ​ໂຮງ​ນາງ​ສີດາ​ແລ້ວ​ມຸ້ງ​ໄປ​ທາງ​ທິດ​ໃຕ້​ຜ່ານ​ບ້ານ​ທາດ ( ​ໄລຍະ​ທາງ​ປະມານ 30 ກິ​ໂລ​ແມັດ ) ​ແລະ ​ເນັ່ງ​ຕໍ່​ໄປ​ຈົນ​ເຖິງ​ນະຄອນ​ວັດ.

 

ລະບຽງ​

ຂັ້ນ​ໄດ​ພັກ​ທຳ​ອິດ​ນີ້ ​ເຊື່ອມ​ຕໍ່​ລະຫວ່າງ​ລະບຽງ​ພັກ​ໜຶ່ງ​ອີກເຊິ່ງມີ​ກຳ​ແພງ​ກັນ​ເຈື່ອນ​ກໍ່ດ້ວຍຫີນ​ຊາຍ ​ແລະ ຂັ້ນ​ໄດ​ພັກ​ທີສອງ ​ເຊີ່ງ​ມີ​ຊຸມ​ປະຕູ​ຂົງ ( ສ.ວ ທີ XII ) ປະຈຸ​ບັນ​ເພພັງ​ໄປ​ສ່ວນ​ຫຼາຍ​ແລ້ວ, ຍັງ​ຄົງ​ເຫຼືອ​ໄວ້​ໃຫ້​ເຫັນ​ພຽງ​ຮູບ " ທະວາຣະບານ "( ຜູ້​ຮັກສາ​ປະຕູ ) ​ໃນ​ສະພາບ​ຢືນຢູ່​ທາງ​ກ້ຳ​ເໜືອ ​ເຊີ່ງ​ມື​ໜຶ່ງ​ຖື​ໄມ້ຄ້ອນ​ ​ແລະ ອີກ​ມື​ໜຶ່ງ​ວາງ​ຢູ່​ບົນ​ໜ້າ​ເອິກສະ​ແດງ​ຄວາມເຄົາລົບ​ ແກ່​ຜູ້​ທີ່​ມາສະ​ແຫຼວ​ງບຸນ​ທັງ​ປວງ.ຈາກ​ຕຳນານພື້ນ​ບ້ານເລົ່າ ​​ສຶບຕໍ່​ກັນ​ມາ​ຂອງ​ປະຊາຊົນທ້ອງຖິ່ນໄດ້​ກ່າວ​ວ່າ ​ແມ່ນ​ພະຍາ​ກຳມະ​ທາ ​ເປັນ​ຜູ້​ສ້າງ​ຜາສາດ​ຫີນ​ວັດ​ພູ, ຖັດຈາກ ​ຂັ້ນ​ໄດ​ແຫ່ງ​ທີ​ສອງ​ຂຶ້ນ​ໄປ​ເປັນ​ທາງ​ຍ່າງ​ອີກ​ແຫ່ງ​ໜຶ່ງ ​ເຊີ່ງ​ຍາວ​ຢຽດ​ເນັ່ງ​ໄປ​ຕາມ​ຄວາມ​ລາດ​ຊັນ​ຂອງ​ເປີ້ນພູ, ສ້າງ​ດ້ວຍ​ແຜ່ນ​ຫີນ​ຊາຍ ​ແລະ ນຳ​ໄປ​ສູ່​ຂັ້ນ​ໄດ​ແຫ່ງ​ທີສາມ, ຂັ້ນ​ໄດ​ນີ້​ໄດ້​ເຊື່ອມ​ຕໍ່​ກັບ​ລະບຽງ​ອີກ​ພັກ​ໜຶ່ງ ກ່ອນ​ທີ່​ຈະ​ເຖິງ​ລະບຽງ​ສຸດ​ທ້າຍ. ທີ່​ລະບຽງ​ຜ້ານ​ນີ້​ສັງ​​ເກດ​ເຫັນ​ຫໍ​ໄຫ້​ວກໍ່​ດ້ວຍ​ດິນ​ຈີ່ 6 ລູກ (ຕົ້ນສ.ວ XI) ​ເຊິ່ງສຳລັບ ​ໄວ້​ເປັນ​ທີ່​ປະດິດສະຖານ​ພຣະສິວະ​ເທບ ​ໃນ​ສັນຍາ​ລັກ​ແຫ່ງລິງຄະ ປັດຈຸບັນ​ຖືກ​ເພພັງ​ໝົດ​ແລ້ວ.

 

san34sໃນ​ທີ່​ສຸດ​ກໍ​ມາ​ເຖິງ​ຂັ້ນ​ໄດ​ຂຶ້ນ​ສູ່​ລະບຽງ​ພັກ​ເທິງ​ສຸດ ​ ເຊິ່ງ​ເປັນ​ທີ່​ຕັ້ງ​ຂອງ​ຜະສາດ​ປະທານ (ສິມ ຫຼື ​ເທວະ​ໄລ,ສ.ວ XI  ສີ​ລະ​ປະຍຸກ​ບາ​ພວນ ) ຂັ້ນ​ໄດ​ນີ້​ປະກອບດ້ວຍ 7 ຖ້ານ, ​ແຕ່​ລະ​ຖ້ານ​ປະກອບ​ດ້ວຍ 11 ຂັ້ນ,ເໜືອ​ນດັ່ງ​ແບບ​ສະບັບ​ຂອງ​ເທວະ​ໄລ​ຂອມ ​ໂດຍ​ທົ່ວ​ໄປ​ທາງ​ດ້ານ​ ໃຕ້​ຂອງ​ປະສາດ​ປະທານ​ນີ້ ມີ​ອາຄານ​ນ້ອຍ​ຫຼັງ​ໜຶ່ງ​ເຊິ່ງ​ເອີ້ນ​ວ່າ : " ຫໍ​ໄຕ " ຫຼື ບັນນາ​ໄລ " ​ແລະ ທາງ​ດ້ານ​ຕາ​ເວັນ​ຕົກ ຂັ້ນ​ດ້ວຍ​ກຳ​ແພງ​ກົມ​ມະ​ລຽນ ​ເຊິ່ງສ້າງ​ຢອງ​ໃສ່​ໂງ່ນ​ຫີນ​ທຳ​ມະ​ຊາດ ​ແລະ ຈົ່ງ​ປະຕູ​ໄວ້ 2 ປ່ອງເພື່ອ​ເຊື່ອມ​ຕໍ່​ກັບ​ບໍລິ​ເວນ​ນ້ຳ​ທ່ຽງ (ບໍ່​ນ້ຳ​ສັກສິດ)  ບົນ​ດ້ານ​ຂ້າງ​ຂອງ​ ໂງ່ນ​ຫີນ​ທຳ​ມະ​ຊາດ​ເຊີ່ງ​ເປັນພື້ນ​ຖານ​ຄ້ຳ​ຊູ​ກົມ​ມະ​ລຽນຕັ້ງ​ຢູ່​ດ້ານ​ຫຼັງ​ຂອງ​ຜະສາດ​ປະທານ ມີ​ຮູບ​ ແກະສະຫຼັກ​ນູນຕໍ່າ​ຂອງ​ພຣະຕຣີມຸກ​ຕິ (​ເທບພຣະ​ເຈົ້າ​ທັງ​ສາມ ພຣະ​ອົງ​ແຫ່ງ​ສາດສະໜາຣິ່ນດູ
ອັນ​ໄດ້​ແກ່ : ພຣະສິວະ ( ​ເທບພະ​ເຈົ້າ​ອົງ​ສຳຄັນ​ທີ່​ສຸດ ຊຶ່ງ​ຢູ່​ທາງ​ກາງ, ພຣະພົມ,ຢູ່​ດ້ານ​ຂວາ ​ແລະ ພຣະວິສະນຸ ຢູ່​ດ້ານ​ຊ້າຍ ).

 

ຕົວ​ປະສາດ​ປະທານ​ນີ້

ຕົວ​ປະສາດ​ປະທານ​ນີ້ ປະກອບ​ດ້ວຍ​ສ່ວນ​ດ້ານ​ໜ້າ ​ແລະ ສ່ວນ​ດ້ານ​ຫຼັງ.ສ່ວນ​ດ້ານ​ໜ້າ( ຫ້ອງ​ໂຖງ ) ກໍ່​ດ້ວຍ​ຫີນ​ຊາຍ​ມີ​ປະຕູ​ເຂົ້າ​ຫາ 3 ດ້ານ ( ດ້ານ​ຕາ​ເວັນ​ອອກ,ດ້ານ​ເໜືອ ​ແລະ ດ້ານ​ໃຕ້ ) ​ແລະ ສ່ວນ​ດ້ານ​ຫຼັງ ກໍ່​ດ້ວຍ​ດິນ​ຈີ່ ​ເອີ້ນ​ວ່າ : " ​ເຊ​ນລະ " ບ່ອນ​ປະດິດສະຖານ " ສິວະ​ລິງຄະ" ​ໂດຍ​ມີ​ນ້ຳ​ສັກສິດ​ໄຫຼ​ຫົດສົງ​ຢູ່​ຕະຫຼອດ​ເວລາ . ນ້ຳ​ນີ້​ຈະ​ຜ່ານ​ເຂົ້າ​ທາຮູຝາດ້ານຕາເວັນຕົກ​,ຫຼັງຈາກ​ຫົດສົງ​ພຣະສິວະ​ລິງຄະ​ແລ້ວ ຈະໄຫຼຜ່ານໂສມະສູດອອກມາທາງຮູຝາດ້ານເໜືອ ພວກເຮົາຈະສັງເກດເຫັນວ່າລັກສະນະການຫົດສົງພະຊີວະລິງຄະ ຢ່າງ ​ເປັນ​ປະຈຳ​ດ້ວຍ​ສາຍ​ນ້ຳ​ທຳ​ມະ​ຊາດ​ທີ່​ໄຫຼ​ລິນເປັນປົກກະຕິ​ຄື​ແນວ​ນີ້​ແມ່ນ​ເອກະລັກ​ໜຶ່ງ​ດຽວ​ທີ່​ເປັນ​ກໍລະນີພິ​ເສດ​ແຫ່ງສາສະນະສະຖານຮິ່ນດູ​ຂອງ​ຂອມ ທີ່​ປະກົດ​ສະ​ເພາະ​ຢູ່​ວັດ​ພູ​ແຫ່ງ​ດຽວ​ເທົ່າ​ນີ້. ບົນ​ຂອບ​ປະຕູ​ທາງ​ໜ້າ​ຂອງ ຜາສາດປະທານ ມີ​ການ​ແກະສະຫຼັກ​ເປັນ​ຮູບທຣະວາລະ​ບານ ​ແລະ ຮູບ​ນາງ​ອັບ​ສອນ. ບົນ​ຊຸ້ມປະຕູ​ທາງເຂົ້າແຕ່ລະປ່ອງປະດັບ​ດ້ວຍ​ສີ​ໜ້າ​ແລະ ທັບ​ຫຼັງ​ຄວັດ​ແກະສະຫຼັກ​ຢ່າງບັນຈົງພິສະດານ ເຊິ່ງກ່າວເຖິງພຣະກຣິສນາ ( ອາວະຕານໜຶ່ງຂອງພຣະສິວະ ), ພຣະອິນ,ພຣະວິສະນຸ,ພຣະສິວະ,ພຣະລືສີ ແລະ ເນື້ອເລື້ອງກ່ຽວກັບຣາມມະກຽນ.

san7s

ເທວະໄລແຫ່ງນີ້ຖືກດັດແປງມາເປັນພຸທະສາສະຖານ ໃນຍຸກຕໍ່ມາ ຊິ່ງຈະເຫັນໄດ້ຈາກພຣະພຸທະຮູບອົງໃຫ່ຍກໍ່ດ້ວຍດິນຈີ່ 3 ອົງ  ປະດິດສະຖານດ້ານໃນຂອງສິມ.

 

ບໍ່ນ້ຳທ່ຽງ

 

ທາງດ້ານຫຼັງຂອງກົມມະລຽນ ມີເດີ່ນແຫ່ງໜຶ່ງ ຊິ່ງອ້ອມລ້ອມທັງ 4 ດ້ານ ( ດ້ານໃຕ້ ແລະ ດ້ານຕາເວັນອອກເປັນກຳແພງກໍ່ດ້ວຍຫີນຊາຍ,ດ້ານເໜືອເປັນໂຂດຫີນໃຫ່ຍແລະ ດ້ານຕາເວັນຕົກເປັນໜ້າຜາສູງຊັນ ເຊີ່ງປະກອບດ້ວຍເງີບຫີນອັນເປັນທີ່ກຳເນີດຂອງບໍ່ນ້ຳສັກສິດເຊິ່ງໄຫຼລິນຢູ່ຕະຫຼອດ ໃນທຸກລະດູການ ).ການຂຸດຄົ້ນທາງບູຮານວິທະຍາໂດຍ" ໂຄງການຄົ້ນຄ້ວາວັດຖຸບູຮານລາວ"ເຊິ່ງດຳເນີນມາແຕ່ປີ 1991 ເຖິງ 1993 ໄດ້ຄົ້ນພົບບັນດາຫຼັກຖານຕ່າງໆ ທາງດ້ານການຈັດວາງໂຄງສ້າງສະຖາປັດຕະຍະກຳໃນບໍລິເວນນີ້(ໂຄງສ້າງທີ່
ກ່າວນີ້ບໍ່ປະກົດໃຫ້ທ່ານເຫັນໃນປັດຈຸບັນນີ້ເພາະໄດ້ຖົມຄືນທຸກຄັ້ງພາຍຫຼັງການຂຸດຄົ້ນເພື່ອເປັນການປ້ອງກັນ
ການຊຸດໂຊມຂອງໂຄງສ້າງບູຮານ ).ການກຳນົດຂອບເຂດລ້ອມປ່ຽວທັງສີ່ດ້ານແລະການຈັດວາງລະບົບທໍ່ຮາງ
ລິນລະບາຍນ້ຳໄປສູ່ຕົວປະສາດຄືລັກສະນະນີ້ ບໍ່ປະກົດໃນເທວະສະຖານແຫ່ງໃດໆຂອງຂອມມາກ່ອນນອກ 
ຈາກຄວາມເດັ່ນທີ່ເປັນລັກສະນະສະເພາະຕົວ ແລະ ຕົ້ນກຳເນີດອັນແທ້ຈິງ ຂອງວັດພູແຫ່ງດຽວເທົ່ານີ້.
P1190151s

ມີຫໍໄຫ້ວຂະໜາດນ້ອຍຫຼັງໜຶ່ງ. ສ້າງດ້ວຍຫີນຊາຍ ແລະ ດິນຈີ່ (ສ.ວ XI ) ຕັ້ງຢູ່ທາງດ້ານໄຕ້ຂອງເງີບຫີນ ສ່ວນດ້ານຫຼັງຂອງຫໍໄຫ້ວ ໄດ້ກວມເລິກເຂົ້າໄປ ໃນກ້ອງເງີບຜາຫີນ. ທາງໃນຂອງຫໍໄຫ້ວນີ້ອາດຈະເປັນສະຖານທີ່ ປະດິດສະຖານ ພຣະສິວະລິງຄະ,ເພື່ອເປັນການເພີ້ມຄວາມສັກສິດໃຫ້ແກ່ບໍ່ນ້ຳແຫ່ງນີ້ຂື້ນຕື່ມອີກຢູ່
ກ້ອງເງີບຫີນດ້ານຫຼັງຂອງຫໍໄຫ້ວນີ້ໄດ້ຄົ້ນພົບເທວະຮູບ ສີລະປະຂອມ ຂະໜາດນ້ອຍຫຼໍ່ດ້ວຍທອງເຫຼືອງ ອັນໄດ້ແກ່ພະວິສະນຸ ແລະ ເທວະສະຕຣີອີກ 1 ອົງ.ນອກນັ້ນ ຍັງໄດ້ພົບພຣະພຸທະຮູບປາງຕ່າງໆ ຈຳນວນຫຼວງຫຼາຍ ເຊີ່ງເປັນສີລະປະຍຸກຕໍ່ມາ.ນ້ຳທີ່ໄຫຼອອກຈາກບໍ່ຢູ່ທາງສົ້ນດ້ານເໜືອ ໄດ້ເກັບບັນ ຈຸຢູ່ໃນອ່າງ ທີ່ກໍ່ດ້ວຍດິນຈີ່ ແລະ ພື້ນກໍ່ດ້ວຍແຜ່ນຫີນຊາຍສີຂຽວ ຈາກນັ້ນ,ຈິ່ງສົ່ງຕໍ່ໄປຍັງຜະສາດປະທານ ( ເຊນລະ,ສ.ວ XIII )
ເພື່ອ​ຫົດສົງ​ພະ​ສິວະ​ລິງຄະໂດຍ​ລະບົບ​ທໍ່​ຮາງລິນເຮັດ​ດ້ວຍ​ຫີນ​ຊາຍ​ສີຂຽວມີ​ຝາ​ປິດ ​ແລະ ຄ້ຳດ້ວຍ​ເສົາ​ຫີນ​ຕັ້ງ​ລຽນ​ລາຍໄປ​ຕາມ​ຂອບ​ດ້ານ​ໃຕ້​ ຂອງ​ພັກ​ຂັ້ນ​ໄດ​ຫີນ ​ເຊິ່ງ​ເຊື່ອມ​ຕໍ່​ລະຫວ່າງ​ກຳ​ແພງ​ກົມ​ມະ​ລຽນ ​ແລະ ອ່າງ​ນ້ຳ​ທ່ຽງ,​ແລ້ວ​ຜ່ານ​ຮູ​ທີ່​ເຈາະ​ໄວ້ ສະ​ເພາະ​ທີ່​ຝາ​ກຳ​ແພງ​ກົມ​ມະ​ລຽນ​ຂ້າງ​ປ່ອງ​ປະຕູ​ດ້ານ​ໃຕ້ ຜ່ານ​ລະບຽງ​ທາງ​ດ້ານ​ຕາ​ເວັນອອກ ​ແລ້ວ​ຈິ່ງ​ລ້ຽວທົບ 90 ອົງສາ ​ໄປ​ທາງ​ດ້ານເໜືອ​ເພື່ອ​ໄປ​ສູ່​ຈຸດໝາຍ ຄື​ຜະະສາດ​ປະທານ  ​ໄດ້​ພົບ​ຫຼັກ​ຖານ​ທີ່​ເປັນ​ແຖ່ນຫີນ​ຫຼາຍ​ອັນ​ໃນ​ບໍລິ​ເວນ​ອ້ອມ​ຮອບ​ບໍ່​ນ້ຳ​ທ່ຽງ​ແຫ່ງ​ນີ້   ​ເຊີ່ງ​ສັນນິຖານ​ວ່າ​ເດີມ​ຄົງ​ມີ​ຮູບ​ຄວັດ​ແກະສະຫຼັກ​ຂອງ​ເທບພຣະ​ເຈົ້າ​ອົງ​ສຳຄັນ​ຕ່າງໆ ປະດິດສະຖານ​ຢູ່​ເຊັ່ນ : ອາດ​ໄດ້​ແກ່​ພະ​ສິວະ ຫຼື ລິງຄະ, ​ແຕ່​ໃນ​ປະຈຸ​ບັນ​ນີ້​ບໍ່​ເຫຼືອ​ໃຫ້​ເຫັນ​ອີກ​ແລ້ວ. ນອກຈາກ​ນັ້ນຍັງ​ໄດ້​ພົບ​ຮ່ອງຮອຍ​ ອົງ​ປະກອບ​ທາງ​ສະຖາປັດຕະ
ຍະກຳ ຍຸກ​ສະຕະວັດ​ທີ XI ຫຼາຍ​ໆຢ່າງ   ​ເຊີ່ງ​ຖືກ​ນຳ​ມາ​ໝູນ​ໃຊ້​ໃນ​ຍຸກ​ຕໍ່​ໆມາ ອັນ​ຢັ້ງຢືນ​ໃຫ້​ເຫັນ​ເຖິງ​ຄວາມ​ເກົ່າ​ແກ່ ​ແລະ ການ​ຕໍ່​ເນື່ອງ​ຜ່ານ​ຫຼາ​ຍຍຸກ ຫຼາຍ​ສະ​ໃໝ​ຂອງ​ການ​ກໍ່ສ້າງ​ມາ​ແລ້ວ.

 

 

ດ້ານ​ເໜືອ​

p1190116

 

 

ຢູ່​ທາງ​ດ້ານ​ເໜືອ​ຂອງ​ຜະສາດ​ປະທານ​ນີ້ມີ​ໂຄງ​ສ້າງ​ສະ​ໃໝ​ໃໝ່​ເຮັດ​ດ້ວຍ​ມ້ອັນປະກອບດ້ວຍ​ກຸດຕິ ​ແລະ ຫໍ​ແຈກ. ຖັດ​ໄປ​ທາງ​ດ້ານ​ເໜືອ​ອີກຈະ​ສັງ​ເກດ​ເຫັນ​ກຸ່ມ​ໂງ່ນ​ຫີນ​ຂະໜາດ​ໃຫ່ຍ,ມີ​ການ​ແກະສະຫຼັກ​ເປັນ​ຮູບ​ຕ່າງໆ​ເຊັ່ນ : ຮູບ​ຊ້າງ,ຮູບ​ແຂ້,ຂັ້ນ​ໄດ ​ແກະສະຫຼັກ​ເປັນ​ຮູບ​ງູ​ຢູ່​ສອງ​ຝາກ​ຂ້າງ ​ເຊິ່ງອາດ​ຖືກ​ສ້າງ​ຂື້ນ​ເມື່ອ​ປະມານ ສະຕະວັດ​ທີ XIII ​ແລະ ອີກ​ສ່ວນ​ທີ່​ເຫຼືອ ອັນ​ໄດ້​ແກ່​ບ່ອນ​ວິປັດສະນາ​ກຳມະ​ຖານ,ບ່ອນ​ສະມາທິ  ​ເຊີ່ງ​ຍັງ​ເຫຼືອ​ໃຫ້​ເຫັນ​ສ່ວນ​ທີ່​ເປັນ​ແທ່ນ,ຮູ​ເສົາ,ຝາ ແລະ ​ເພດານ ສ້າງ​ດ້ວຍ​ຫີນ​ຊາຍ​ທັງ​ໝົດ ສັນນິຖານ​ວ່າ​
ຄົງ​ມີ​ຄວາມ​ເກົ່າ​ແກ່​ທີ່​ສຸດ  ( ປະມານ ສ.ວ ທີ VII ).

 

 

smoke free area

Vat Phu - Vues

ຕາຕະລາງເຂົ້າທ່ຽວຊົມ

ເປີດບໍລິການ
ທຸກໆວັນ
- ເລີ້ມເວລາ 8:00 ເຊົ້າ ຮອດ 6:00 ແລງ ສຳລັບເຂົ້າຊົມເຂດສະຖານວັດພູ
- ເລີ້ມເວລາ 8:00 ເຊົ້າ ຮອດ 4:30 ແລງ ສຳລັບເຂົ້າຊົມ ຫໍພິພິທະພັນ
 
ລາຍການລາຄາ :
(ພຽງປີ້ດຽວສາມາດທ່ຽວຊົມໄດ້ ທັງຫໍພິພິທະພັນ ແລະ ເຂດສະຖານວັດພູ)
    - 35 000 ກີບ ສຳລັບຄົນຕ່າງປະເທດ
    - 5 000 ກີບ ສຳລັບຄົນລາວ
   - 15000 ກີບ voiturette électrique
ສາມາດເຂົ້າຊົມເຂດສະຖານວັດພູ ແບບລ່ວງເວລາໄດ້
 
ຂໍ້ມູນລະອຽດ ໃຫ້ເຂົ້າເບິ່ງຕາມ ຕາຕະລາງ ແລະ ຄ່າຜ່ານປະຕູເຂົ້າຊົມ
 

ຜູ້ມີສ່ວນຮ່ວມ

ເວັບໄຊ໋ນີ້ ສ້າງຂື້ນພາຍໄຕ້ໂຄງການ ກອງທຶນສາມັກຄີພິເສດ ໃນການຮ່ວມມື ລະຫວ່າງລັດຖະບານ ລາວ ແລະ ຝຣັ່ງ ເພື່ອການສົ່ງເສີມ ແລະ ພັດທະນາພື້ນທີ່ ທາງດ້ານປະຫວັດສາດ ແລະ ວັດທະນະທຳຂອງ ວັດພູຈຳປາສັກ.
Image2
ກະຊວງຖະແຫຼງຂ່າວ ແລະ ວັດທະນະທຳ
ກົມມໍລະດົກ ຫ້ອງການ ຄຸ້ມຄອງ ແລະ ຈັດສັນພື້ນທີ່ມໍລະດົກໂລກ ວັດ​ພູ​ຈຳປາ​ສັກ

 


marianne1

ກະຊວງການຕ່າງປະເທດ
ສະຖານທູດຝຣັ່ງ ປະຈຳລາວ
ພະແນກການຮ່ວມມື ແລະ ການເຄື່ອນໄຫວທາງດ້ານວັດທະນະທຳ