Vat Phu-Champasak-Laos

ຍິນດີຕ້ອນຮັບ ພິມ
ກຸ່ມເທວະສະຖານ ວັດພູແມ່ນໂຄງສ້າງ ທາງສະຖາປັດຕະຍະກຳ ແຫ່ງສາດສະໜາ ຮິ່ນດູຂອງຊາວຂອມ,ເຊິ່ງຕັ້ງຢູ່ບົນ
ທິວທັດທຳມະຊາດ ອັນວິຈິດບັນຈົງ ດ້ານທິດຕາເວັນອອກ ສ່ຽງໃຕ້ຂອງເປີ້ນພູນາກ ເຊິ່ງເປັນສ່ວນໜຶ່ງຂອງພູເກົ້າ. ບົນຈອມພູເກົ້າແຫ່ງນີ້ ມີໂຂດຫີນທຳມຊາດ ເສກສັນເໜືອນຮູບ ເກົ້າຜົມ,ເຊິ່ງຊາວຮິ່ນດ ູໃຫ້ການ ສັກກະລະບູຊາ
ປຽບດັ່ງສິວະລິງຄະ  ອັນເປັນສັນຍາລັກ ແຫ່ງເທບພະເຈົ້າສູງສຸດ ຂອງພວກເຂົາ ຕົ້ນກຳເນີດ ແລະ ທີ່ມາຂອງຄຳວ່າ "ລິງຄະບັນພົດ ຫຼື ລິງຄະປາຣະວະຕະ" ແມ່ນມາຈາກ ລັກສະນະພິເສດ ທາງຮູບຊົງ ຂອງພູແຫ່ງນີ້ເອງ ພູເກົ້າສາມາດ
ແນມເຫັນໄດ້ຈາກໄລຍະທີ່ຫ່າງໄກ ເພາະວ່າເປັນຈຸດ ທີ່ສູງທີ່ສຸດ ຂອງລະແວກນີ້ ທັງເປັນທີ່ຮູ້ຈັກກັນດີ ແລະ  ມີຊື່ສຽງ
ໂດ່ງດັງ ເປັນພູທີ່ສັກສິດ,ພ້ອມຍັງມີບໍ່ນ້ຳ ທຳມະຊາດ ທີ່ໄຫຼລິນອອກ ຈາກກ້ອງຜາຫີນ ຢູ່ທຸກລະດູການ ຄົນທັງຫຼາຍ
ພາກັນ ເອີ້ນວ່າ :   ນ້ຳທ່ຽງ ອັນເປັນສິ່ງ ບັນດາໃຈໃຫ້ ກະສັດໃນສະໃໝ ບູຮານເລືອກເອົາ ດິນແຫ່ງນີ້ເປັນ ທີ່ຕັ້ງຂອງ ເທວະສະຖານ ເພື່ອອຸທິແດ່ ພຣະສິວະເທບ.

palais26s san39s vu2s tomo6s
ຄຽງ​ຄູ່​ກັບ​ກຸ່ມ​ເທວະ​ສະຖານ​ວັດ​ພູ​ນີ້ ຍັງ​ມີ​ນະຄອນ​ເກົ່າ​ແກ່​ແຫ່ງ​ໜຶ່ງ​ຕັ້ງ​ຢູ່​ທີ່​ຮາບ​ລຽບແຄມ
ຝັ່ງ​ແມ່​ນ້ຳຂອງ ຖືກ​ສ້າງ​ຕັ້ງ​ຂື້ນ​ເມື່ອ​ຍຸກ​ກ່ອນ​ນະຄອນ​ວັດ ( ຍັງ​ມີ​ຫຼັກ​ຖານ​ຫຼາຍ​ຢ່າງ​ຫຼົງ​ເຫຼືອ​ໄວ້​ໃຫ້​ເຫັນ​ເປັນ​ປະຈັກ​ຕາ  ອັນ​ໄດ້​ແກ່​ໂຄງ​ສ້າງ​ດິນ​ຈີ່  ຈຳນສວນ​ຫຼວງ​ຫຼາຍ ກຳ​ແພງ​ເມືອງ ​ແລະ ຮ່ອງຮອຍ​ອື່ນໆ…) ສິ່ງ​ເຫຼົ່າ​ນີ້​ ສາມາດ​ພົບ​ເຫັນ​ໄດ້​ຢູ່​ບົນ​ໜ້າດິນ ​ແລະ ສາມາດ​ສັງ​ເກດ​ເຫັນ​ໄດ້​ຊັດ​ເຈນ​ທີ່​ສຸດ ຈາກ​ຮູບ​ຖ່າຍ​ທາງ​ອາກາດ. ນັບ​ຕັ້ງ​ແຕ່ 1991 ​ເປັນ​ຕົ້ນ​ມາ " ​​ໂຄງການ​ຄົ້ນ​ຄ້ວາ​ວັດຖຸບູຮານ​ລາວ" ​ເຊິ່ງ​ເປັນ​ໂຄງການ​ຮ່ວມ​ມື ລະຫວ່າງ    ກົມ​ພິພິທະ​ພັນ ​ແລະ ວັດຖຸບູຮານ​ຂອງ​ລາວ ​ແລະ ຫໍພິພິທະ​ພັນ​ກີ​ເມ​ຂອງຝຣັ່ງ​ເສດ ​ໄດ້​ເລີ້ມ​ລົງມື​ທຳ​ການ​ສຳ​ຫຼວດ,ຄົ້ນ​ຄ້ວາແລະ
ສ້າງ​ແຜນ​ທີ່​ທາງ​ບູຮານ​ວິະຍາ​ຢ່າງ​ລະອຽດ​ຊັດ​ເຈນ​ທີ່​ສຸດ.









ພື້ນທີ່ ​ພູມີ​ທັດ​ວັດ​ພູ​ຈຳປາ​ສັກ ​ລວມທັງ​ກຸ່ມ​ຜາສາດ ​ຫີນ​ວັດ​ພູ ​ແມ່ນ​ສິ່ງ​ທີ່​ມີ​ຄຸນຄ່າ​ ອັນ​ໂດດ​ເດັ່ນ ຂອງ​ການ ວາງ​ແຜນຜັງ ​ໃນ​ການ​ນຳ​ໄຊ້ພື້ນທີ່​ ທີ່​ຍັງ​ຄົງ​ຄວາມ​ເປັນ​ດັ້ງ​ເດີມ ມາ​ນານ​ກວ່າ1.000 ປີ. ມັນ​ແມ່ນຮູບ​ແບບ  ​ທີ່​ສ່ອງ​ແສງ ​ໃຫ້​ເຫັນ​ເຖິງ ສາຍ​ພົວພັນ​ລະຫວ່າງ​ ມະນຸດ ​ແລະທຳ​ມະ​ຊາດ ຕາມ​ການ​ເຊື່ອ​ຖື​ຂອງ​ ຊາວຮີນດູ ​ເຫັນ​ໄດ້​ຈາກ​ການ​ ນຳ​ໄຊ້​ເສັ້ນ​ແກນ​ກາງ ​ເໜັ່ງຈາກ​ຈອມ​ຂອງ​ພູ​ເກົ້າ ລົງ​ຫາ​ຝັ່ງ​ແມ່​ນ້ຳຂອງ​ເພື່ອ ກຳນົດ​ຕຳ
ແໜ່​ງຈຸດ​ທີ່​ຕັ້ງຕ່າງໆ ຂອງ​ຜາສາດ​ຫີນ, ຫໍ​ຫວ້າຍ ​ແລະ​ ລະບົບ​ການ​ນຳ​ໄຊ້ນ້ຳ ທອດ​ຍາວ​ຂະໜານ​ໄປ​ຕາມ​ເສັ້ນ​ແກນ ກວມ​ຢູ່​ໃນ​ພື້ນທີ່ 10 ກິ​ໂລ​ແມັດ ​ໄດ້​ຢ່າງ​ສົມສ່ວນ​ກັນ. ພູ​ເກົ້າ ​ແລະ ຕົວ​ເມືອງ​ບູຮານ ສອງແຫ່ງ
ຢູ່​ຕິດ​ກັບ​ຝັ່ງ​ແມ່ນ້ຳຂອງ ກໍ​ແມ່ນ​ສ່ວນ​ໜຶ່ງ ຂອງ​ພື້ນທີ່​ ວັດທະນະທຳ​ ຈຳປາ​ສັກ​ແຫ່ງ​ນີ້ ພື້ນທີ່​ທັງ​ໝົດ​ໄດ້​ສະທ້ອນ ​ໃຫ້​ເຫັນ​ເຖິງ ຂະ​ບວນວິວັດ​ ອັນ​ຍາວ​ນານ ​ຂອງ​ຕົວ​ເມື​ງ ນັບ​ຕັ້ງ​ແຕ່ ສະຕະວັດ​ທີ 5 – 15 ​ແຫ່ງ ຄ.ສ. ​ໂດຍ​ສະ​ເພາະ ​ກ່ຽວ​ພັນ​ກັບ​ອານາຈັກ ​ຂະ​ແມ​ບູຮານ

ເງື່ອນ​ໄຂ​ໃນ​ການ ​ບັນ​ທຶກ​ເຂົ້າຢູ່​ໃນ ​ບັນຊີ​ມໍລະດົກ​ໂລກ ຂອງ​ອົງການ UNESCO
1.    ​ມາດຖານ​ທີ III: ກຸ່ມ​ຜາສາດ​ຫີນ​ວັດ​ພູ​ ແມ່ນ​ຫຼັກຖານ​ອັນ​ໂດດ​ເດັ່ນ ​ຂອງ​ອາ​ລິ​ຍະ​ທໍາ ​ໃນເຂດ​ອາຊີ ອາຄະ​ເນ ​ໂດຍ​ສະ​ເພາະ ​ວັດທະນະທຳ​ຂອມ ​ໃນ​ລະຫວ່າງ​ສະຕະວັດ​ທີ 10 - 14 ​ແຫ່ງ​ ຄ.ສ.

2.    ມາດຖານ​ທີ IV: ​ເປັນຫຼັກຖານ​ພິສູດ ​ໃຫ້​ເຫັນ​ຢ່າງ​ເດັ່ນ​ຊັດ ທາງ​ດ້ານ​ຫົວຄິດ​ປະ​ດິດ​ສ້າງ ​ໃນການ
ຄົ້ນຄ້ວາ​ອອກ​ແບບ​ ເຊິ່ງ​ເຮັດ​ໃຫ້ການ​ກໍ່ສ້າງ​ນັ້ນ ​ກົມ​ກືນ​ກັບ​ສະພາບ​ແວດ​ລ້ອມ​ ທາງ​ທຳ​ມະ​ຊາດ​ອັນ​       ສວຍ​ງາມ

3.    ມາດຖານທີ V: ວັດ​ພູ ອາຄານ​ສະຖານ​ຕ່າງໆ ​ໃນ​ທົ່ວ​ເຂດ​ນີ້ ມີໜ້າ​ທີ່​ສະ​ແດງ​ເຖິງ ສາ​ສະໜາຮີນດູ ສ່ອງ​ແສງ​ສາຍ​ພົວພັນ ​ລະຫວ່າງ ມະນຸດ​ກັບ​ທຳ​ມະ​ຊາດ. ສິ່ງ​ກໍ່ສ້າງ​ທີ່ ​ຢັງ​ຢາຍ​ຈາກ​ສາຍ​ແມ່ນ້ຳຂອງ​ຫາ​ຕີນ​ພູ ​ແມ່ນ​ການ​ອອກ​ແບບ​ຊັ້ນ​ເລີດ ​ແລະ ຮູບປະຕິມະ​ກຳ ວິຈິດ​ຕະກຳ ລ້ວນ​ແຕ່​ແມ່ນ​ຝີ​ມື​ຊັ້ນ ເອກ ພິສູດ​ໃຫ້​ເຫັນ ​ອຸດົມ​ການ ​ແລະ ສັດທາອັນ​ແຮງກ້າ ​ຂອງ​ມະນຸດ​ຕໍ ​ກັບ​ສາສະໜາ

Image1a

Image3

 

smoke free area

Vat Phu - Vues

ຕາຕະລາງເຂົ້າທ່ຽວຊົມ

ເປີດບໍລິການ
ທຸກໆວັນ
- ເລີ້ມເວລາ 8:00 ເຊົ້າ ຮອດ 6:00 ແລງ ສຳລັບເຂົ້າຊົມເຂດສະຖານວັດພູ
- ເລີ້ມເວລາ 8:00 ເຊົ້າ ຮອດ 4:30 ແລງ ສຳລັບເຂົ້າຊົມ ຫໍພິພິທະພັນ
 
ລາຍການລາຄາ :
(ພຽງປີ້ດຽວສາມາດທ່ຽວຊົມໄດ້ ທັງຫໍພິພິທະພັນ ແລະ ເຂດສະຖານວັດພູ)
    - 35 000 ກີບ ສຳລັບຄົນຕ່າງປະເທດ
    - 5 000 ກີບ ສຳລັບຄົນລາວ
   - 15000 ກີບ voiturette électrique
ສາມາດເຂົ້າຊົມເຂດສະຖານວັດພູ ແບບລ່ວງເວລາໄດ້
 
ຂໍ້ມູນລະອຽດ ໃຫ້ເຂົ້າເບິ່ງຕາມ ຕາຕະລາງ ແລະ ຄ່າຜ່ານປະຕູເຂົ້າຊົມ
 

ຜູ້ມີສ່ວນຮ່ວມ

ເວັບໄຊ໋ນີ້ ສ້າງຂື້ນພາຍໄຕ້ໂຄງການ ກອງທຶນສາມັກຄີພິເສດ ໃນການຮ່ວມມື ລະຫວ່າງລັດຖະບານ ລາວ ແລະ ຝຣັ່ງ ເພື່ອການສົ່ງເສີມ ແລະ ພັດທະນາພື້ນທີ່ ທາງດ້ານປະຫວັດສາດ ແລະ ວັດທະນະທຳຂອງ ວັດພູຈຳປາສັກ.
Image2
ກະຊວງຖະແຫຼງຂ່າວ ແລະ ວັດທະນະທຳ
ກົມມໍລະດົກ ຫ້ອງການ ຄຸ້ມຄອງ ແລະ ຈັດສັນພື້ນທີ່ມໍລະດົກໂລກ ວັດ​ພູ​ຈຳປາ​ສັກ

 


marianne1

ກະຊວງການຕ່າງປະເທດ
ສະຖານທູດຝຣັ່ງ ປະຈຳລາວ
ພະແນກການຮ່ວມມື ແລະ ການເຄື່ອນໄຫວທາງດ້ານວັດທະນະທຳ